मेष (चु, चे, चो, ला, लि, लु, ले, लो, अ)
नयाँ काम सुरु गर्ने उपयुक्त समय आएको छ । मान प्रतिष्ठा र विद्या प्राप्त हुनेछ । टाढाको यात्रा हुने सम्भावना छ । प्रतिष्ठित काम गर्ने अवसर प्राप्त हुनेछ । सुख दु:खमा साथ दिनेहरू प्रशस्तै भेटिनेछन् । रोकिएको काम बन्नुका साथै नयाँ काम प्रारम्भ पनि हुन सक्छ । अतिथिका रूपमा सम्मान प्राप्त हुनेछ ।
वृष (इ, उ, ए, ओ, बा, बि, बु, बे, बो)
आज खर्च लागे पनि चिताएको काम बन्नेछ । व्यवसायमा लगानी बढाउने मौका मिल्नेछ । अरुले झमेला निम्त्याए पनि हिम्मतले काम बनाउन सकिनेछ । लगनशीलताले गुमेको प्रतिष्ठा पुनः दिलाउनेछ । पढाइ लेखाइमा समय दिन नसकिएला । सहयोगीहरूमा भरपर्दा सबै काम पूरा नहुन सक्छन् ।
मिथुन (का, कि, कु, घ, ङ, छ, के, को, ह)
अप्ठ्यारा परिस्थितिसँग सम्झौता गर्नुपर्दा मन खिन्न रहनेछ । अस्वस्थताका बीच कामको बोझ बढ्नेछ । कुनै अवसर प्राप्त भए पनि कुरा लगाउनेहरूको फन्दामा पर्ने सम्भावना छ । गोपनीयतामा विशेष ध्यान दिनुहोला । समयमा काम पूरा नहुँदा अवसर गुम्न सक्छ ।
कर्कट (हि, हु, हे, हो, डा, डि, डु, डे, डो)
विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ । विशेष उपहारका साथै प्रेम प्रस्ताव पनि पाइने सम्भावना छ । आफ्नै कमजोरीले ढिलासुस्ती हुन सक्छ । परिवारभित्र असमझदारी बढ्नाले काममा बाधा पुग्न सक्छ । तर, व्यापार व्यवसायमा भने राम्रो फाइदा हुनेछ ।
सिंह (मा, मि, मु, मे, मो, टा, टि, टु, टे)
सरल जीवनशैलीले धेरैको मन लोभ्याउन सकिनेछ । नयाँ काम सुरु गर्ने उपयुक्त समय आएको छ । पढाइमा प्रगति हुनेछ । आफन्तहरूको सञ्जालबाट फाइदा पाइनेछ । मेहनतले अध्ययनमा उत्कृष्टता आउनेछ । सामान्यतया दिन राम्रै रहनेछ । प्रेम र मित्रताको बन्धन कसिनेछ, दाम्पत्य सुखमा रमाउने समय छ ।
कन्या (टो, प, पि, पु, ष, ण, ठ, पे, पो)
रोकिएका काममा पुनः प्रयत्न गर्नुहोला, सफलता मिल्नेछ । पारिवारिक भेटघाटले मनमा आनन्द आउनेछ । साथीभाइले काममा सहयोग पुर्याउनेछन् । बिस्तारै कामका बाधा हट्नेछन् । नसोचेको स्थानबाट धन प्राप्त हुन सक्छ । सुख दु:खमा साथ दिनेहरू भेटिनेछन् । परिवारजनको साथले नयाँ आशा पलाउनेछ ।
तुला (र, रि, रु, रे, रो, ता, ति, तु, ते)
विशेष अवसर प्राप्त भए पनि ईर्ष्या गर्नेहरूले दु:ख दिन सक्छन् । आफ्नाबाटै धोका पाउने सम्भावना छ । अनावश्यक खर्च बढ्नेछ । स्वास्थ्यमा कमजोरी आउनेछ र काममा अवरोधले मन खिन्न बन्नेछ । विलासितामा धन खर्च हुनेछ । मुख्य काममा बाधा आउनेछ । सानातिना घरेलु काममै अल्झनुपर्दा मन खिन्न हुन सक्छ ।
वृश्चिक (तो, ना, नि, नु, ने, नो, या, यि, यु)
आज ठूला व्यक्तिहरूबाट मान–सम्मान प्राप्त हुनेछ । मिष्ठान्न भोजनको अवसर पनि मिल्नेछ । नजिकका साथीभाइ टाढिन सक्छन्, तर टाढाका साथीहरूसँग सम्बन्ध बलियो बन्नेछ । अर्थ अभावले केही काम रोकिएला । समस्या प्रति गम्भीर नबन्दा अवसर गुम्न सक्छ । आफ्नै कमजोरीका कारण इष्टमित्र टाढिन सक्छन् ।
धनु (ये, यो, भ, भि, भु, ध, फा, ढ, भे)
विगतका कमजोरी सच्याउने मौका छ । विशिष्ट व्यक्तित्वको सहयोगले विशेष अवसर पाइनेछ । धनलाभ हुनेछ । काम र पदको आशा देखाउनेहरूले फसाउन सक्छन् । दिगो आम्दानी दिने काम सुरु हुनेछ । प्रतिस्पर्धाले आम्दानीको बाटो देखाउनेछ । लाभ हुने काम प्रारम्भ गर्ने उपयुक्त समय छ । साझेदारीमा राम्रो फाइदा हुनेछ ।
मकर (भो, ज, जि, खि, खु, खे, खो, गा, गि)
उठ्नुपर्ने रकम हातलागी नहुँदा आर्थिक अभावले सताउन सक्छ । अधैर्य बढ्नुका साथै काम नबन्ने डरले सताउनेछ । तर, कीर्तिमानी काम गरेर धेरैलाई प्रभावित बनाउन सकिनेछ । श्रमको उचित मूल्य पाइनुका साथै आम्दानी पनि बढ्नेछ । सहयोग गर्ने भनी आशा दिलाउनेहरूले नै धोका दिन सक्छन् ।
कुम्भ (गु, गे, गो, सा, सि, सु, से, सो, द)
सोचेको काम समयमा नबन्नाले दु:ख हुनेछ । निम्तो आए पनि नियमित कामकै चिन्ताले सताउन सक्छ । अवसर जुटे पनि परिस्थिति केही संघर्षमय रहनेछ । अप्ठ्यारा कामको बोझ बढ्न सक्छ । सवारीमा सावधानी अपनाउनुहोला । लेनदेनको विवादले अप्ठ्यारो पर्न सक्छ । स्वास्थ्यमा समस्या देखिन सक्छ ।
मीन (दि, दु, थ, झ, ञ, दे, दो, च, चि)
विभिन्न सहयोग र उपहार पाइनेछ । मेहनत गरे अवसर प्राप्त हुनेछ । सत्कार्यमा जुट्दा फाइदा हुनेछ । दिगो फाइदा दिने काम प्रारम्भ गर्ने अवसर मिल्नेछ । तर, पहिलेका सहयोगीहरूले धोका दिन सक्छन्, त्यसैले सावधान रहनुहोला । व्यावसायिक काममा खर्च बढ्नेछ । अरूका काममै महत्वपूर्ण समय बित्न सक्छ ।
