काठमाण्डौ – पहिलो टी २० आई क्रिकेटमा घरेलु टोली अस्ट्रेलियाले दक्षिण अफ्रिकालाई १७ रनले हराएको छ । डार्विन मरेरा ओभलमा हिजो भएको खेलमा अस्ट्रेलियाले शृङ्खलामा १–० को अग्रता बनाएको छ ।
१ सय ७९ रनको लक्ष्य पछ्याएको दक्षिण अफ्रिकाले निर्धारित २० ओभरमा ९ विकेट गुमाएर १ सय ६१ रन मात्र बनाउन सक्यो ।
दक्षिण अफ्रिकी ओपनर रायन रिकल्टनले ५५ बलमा ७ चौका र १ छक्कासहित सर्वाधिक ७१ रन जोडे । ट्रिस्टन स्टब्स २७ बलमा ३७ रन तथा लुअन टर प्रिट्रोरियस १४ रन बनाए ।
अस्ट्रेलियाका बेन ड्वारशुस र जोस हेजलवुडले समान ३, एडम जाम्पाले २ तथा ग्लेन म्याक्सवेलले १ विकेट लिए ।
पहिले ब्याटिङ गरेको अस्ट्रेलिया निर्धारित २० ओभरको अन्तिम बलमा अलआउट हुँदै १ सय ७८ रन बनायो ।
अस्ट्रेलियाका टिम डेविडले ५२ बलमा ४ चौका र ८ छक्कासहित मा सर्वाधिक ८३ रन जोडे । प्रतियोगीता अन्तर्गत दोस्रो खेल भोलि हुनेछ ।
