काठमाडौं । आईसीसी टी-२० विश्वकप अन्तर्गत समूह ‘ए’बाट भारत एक खेल अगाडि नै सुपर आठमा प्रवेश गरेको छ।
१७६ रनको लक्ष्य पछ्याएर जवाफी ब्याटिङ गरेको पाकिस्तानले १७ ओभर ५ बलमा ११४ रन बनाउँदा सबै विकेट गुमाएको हो। आइतबार श्रीलंकाको कोलम्बोस्थित आर प्रेमादासा क्रिकेट रंगशालामा पाकिस्तानमाथि ६१ रनको जित निकाल्दै सुपर आठ प्रवेश गरेको हो।
तीन खेलमा तीन जित निकालेको भारतले ६ अंक जोडेको छ।यो जितसँगै घरेलु टोली भारतले लगातार तेस्रो जित निकाल्दै समूह ‘ए’ बाट विश्वकपको सुपर-८ प्रवेश गरेको छ। तीन खेलबाट ६ अंक बनाएको भारतले यसअघि अमेरिकालाई २९ र नामिबियालाई ९३ रनले पराजित गरेको थियो।
पहिलो हार व्यहोरेको पाकिस्तानको भने हारसँगै सुपर-८ सम्भावना कठिन बनेको छ। अब पाकिस्तानको सुपर-८ यात्रा अन्तिम खेलबाट निर्धारण हुनेछ। पाकिस्तानले अन्तिम खेलमा नामिबियाको सामना गर्ने तालिका छ। नामिबियासँग पराजित भएमा पाकिस्तान रनरेटका आधारमा विश्वकपको सुपर-८ पुग्नबाट बन्चित हुनेछ। पाकिस्तान पराजित भएमा त्यसको फाइदा अमेरिकालाई हुनेछ।
