ज्याे. डा. खेमराज मिश्र, पीएचडी
आजको राशिफलः बि.सं. २०८३ कार्तिक ३ गते, मङ्गलवार, इस्वी सं २०२६ अक्टोबर २०, ऋतुः शरद, अयनः दक्षिणायन, नेपाल संवत ११४६, आश्विन शुक्ल पक्ष, आश्विन शुक्ल नवमी, बिहान ९ः३४ बजेपछि दशमी, नक्षत्रः श्रवण दिउँसो ४ः१० बजेसम्म र त्यसपछि धनिष्ठा, चन्द्रमा मकर राशिमा, सूर्य तुला राशिमा, योगः शूल राति १२ः०८ बजेपछि गण्ड, करणः कौलव बिहान ९ः३४ बजेसम्म, त्यसपछि तैतिल र राति १०ः१६ बजेपछि गर। आज नेपालमा सूर्योदय बिहान ६ः०७ बजे र सूर्यास्त साँझ ५ः२८ बजे हुनेछ।
आज नवरात्रको दसौँ दिन तथा महानवमी व्रतको अवसर हो। आज माता सिद्धिदात्रीको पूजा, दुर्गा आराधना, मन्त्रजप तथा धार्मिक अनुष्ठान गरी सुख, शान्ति, समृद्धि र कार्यसिद्धिको कामना गरिन्छ। धार्मिक मान्यताअनुसार माता सिद्धिदात्रीको आराधनाले ज्ञान, विवेक, आत्मबल र सकारात्मक सोच बढाउन सहयोग गर्छ। आज आफ्नो कुलपरम्पराअनुसार नवदुर्गाको पूजा, हवन तथा कन्या पूजा गरी नवरात्रको साधना सम्पन्न गर्नु शुभ मानिन्छ।
दसैँको धार्मिक महत्त्वलाई आत्मसात् गर्दै आज परिवारका सदस्य तथा आफन्तसँग सद्भाव बढाउने, ज्येष्ठजनको सम्मान गर्ने र असहाय व्यक्तिलाई सहयोग गर्ने सङ्कल्प गर्नु राम्रो हुन्छ। पूजा तथा व्रत आफ्नो कुलपरम्परा र स्थानीय पञ्चाङ्गअनुसार सम्पन्न गर्नुहोला।
मेष राशि (चु, चे, चो, ला, लि, लु, ले, लो, अ) आज कामकाजमा नयाँ उत्साह आउनेछ र रोकिएका जिम्मेवारी पूरा गर्ने अवसर मिल्न सक्छ। व्यापार तथा पेसामा नयाँ योजना बनाउँदा अनुभवी व्यक्तिको सुझाव लिनुहोला। आर्थिक कारोबारमा हतार नगरी आम्दानी र खर्चको सन्तुलन मिलाउनु राम्रो हुनेछ। परिवारमा आपसी समझदारी बढ्नेछ र आफन्तसँगको भेटघाटले मन प्रसन्न बनाउन सक्छ। माता सिद्धिदात्रीको स्मरण गरी आत्मविश्वासका साथ दिनको सुरुवात गर्नुहोला।
(आजको लागि शुभ रंगः रातो, शुभ अंकः ९)
वृष राशि (इ, उ, ए, ओ, बा, बि, बु, बे, बो) आज पारिवारिक तथा सामाजिक सम्बन्धमा आत्मीयता बढ्ने सम्भावना छ। व्यापारमा पुराना सम्पर्कबाट सहयोग प्राप्त हुन सक्छ र रोकिएका काम अघि बढ्न सक्छन्। आर्थिक लाभको अपेक्षा गर्दा अनावश्यक खर्च बढ्न नदिनुहोला। प्रेम तथा दाम्पत्य जीवनमा एकअर्काको भावनालाई सम्मान गर्दा खुसी बढ्नेछ। स्वास्थ्यका लागि सन्तुलित खानपान र पर्याप्त आराममा ध्यान दिनुहोला।
(आजको लागि शुभ रंगः सेतो, शुभ अंकः ६)
मिथुन राशि (का, कि, कु, घ, ङ, छ, के, को, ह) आज नयाँ विचार र योजनामा परिवार वा साथीभाइको सहयोग प्राप्त हुन सक्छ। पेसा तथा व्यवसायमा छलफल र सम्पर्क विस्तारबाट उपयोगी अवसर मिल्ने सम्भावना छ। आर्थिक निर्णय गर्दा भविष्यको आवश्यकतालाई पनि ध्यानमा राख्नुहोला। पारिवारिक सम्बन्धमा स्पष्ट संवादले गलतफहमी हटाउन सहयोग गर्नेछ। विद्यार्थीले नियमित अभ्यास र समय व्यवस्थापनमा ध्यान दिए राम्रो प्रगति गर्न सक्छन्।
(आजको लागि शुभ रंगः हरियो, शुभ अंकः ५)
कर्कट राशि (हि, हु, हे, हो, डा, डि, डु, डे, डो) आज घरपरिवारसँग समय बिताउँदा मनमा शान्ति र सन्तुष्टि बढ्नेछ। कामकाजमा जिम्मेवारी थपिए पनि योजनाबद्ध ढङ्गले अघि बढ्दा सहज हुनेछ। आर्थिक विषयमा आवश्यक खर्चलाई प्राथमिकता दिई अनावश्यक किनमेलबाट टाढा रहनुहोला। प्रेम सम्बन्धमा एकअर्काको भावना बुझ्ने प्रयासले आत्मीयता बढाउनेछ। स्वास्थ्यका लागि पर्याप्त निद्रा, नियमित खानपान र मानसिक शान्तिमा ध्यान दिनुहोला।
(आजको लागि शुभ रंगः सेतो, शुभ अंकः २)
सिंह राशि (मा, मि, मु, मे, मो, टा, टि, टु, टे) आज आत्मविश्वास र नेतृत्व क्षमताले काममा राम्रो प्रभाव पार्न सकिनेछ। पेसा तथा व्यवसायमा नयाँ अवसर देखिए पनि निर्णय गर्नुअघि सबै पक्ष विचार गर्नुहोला। आर्थिक कारोबारमा सावधानी अपनाउँदा अनावश्यक समस्या टार्न सकिनेछ। परिवार तथा आफन्तसँगको भेटघाटले सम्बन्धमा खुसी थप्नेछ। विद्यार्थीले लक्ष्यप्रति ध्यान केन्द्रित गरी नियमित अभ्यास गरे राम्रो उपलब्धि हासिल गर्न सक्छन्।
आजको लागि शुभ रंगः सुनौलो, शुभ अंकः १)
कन्या राशि (टो, प, पि, पु, ष, ण, ठ, पे, पो) आज योजनाबद्ध ढङ्गले अघि बढ्दा अधुरा काम पूरा गर्ने अवसर मिल्न सक्छ। व्यापार तथा पेसामा सानो कुरामा पनि ध्यान दिँदा राम्रो परिणाम प्राप्त हुनेछ। आर्थिक पक्षमा बचत र आवश्यक खर्चबीच सन्तुलन कायम गर्नुहोला। पारिवारिक सम्बन्धमा सहयोगी व्यवहारले आत्मीयता बढाउनेछ। स्वास्थ्यमा थकान महसुस भए आराम गर्नुका साथै नियमित दिनचर्या कायम राख्नुहोला।
(आजको लागि शुभ रंगः हरियो, शुभ अंकः ५)
तुला राशि (र, रि, रु, रे, रो, ता, ति, तु, ते) आज नयाँ कामको योजना बनाउने र महत्त्वपूर्ण विषयमा छलफल गर्ने अवसर मिल्न सक्छ। व्यापार तथा पेसामा सहकार्यबाट लाभ लिन सकिने सम्भावना छ। आर्थिक कारोबारमा अरूको दबाबमा परेर निर्णय नगर्नुहोला। प्रेम तथा दाम्पत्य जीवनमा मिठो बोली र समझदारीले सम्बन्ध बलियो बनाउनेछ। धार्मिक तथा आध्यात्मिक गतिविधिमा सहभागी हुँदा मानसिक शान्ति प्राप्त हुन सक्छ।
(आजको लागि शुभ रंगः निलो, शुभ अंकः ६)
वृश्चिक राशि (तो, ना, नि, नु, ने, नो, या, यि, यु) आज चुनौतीपूर्ण काममा पनि धैर्य र दृढताले अघि बढ्न सकिनेछ। व्यवसायमा नयाँ योजना बनाउँदा अनुभवी व्यक्तिको सुझाव उपयोगी हुन सक्छ। आर्थिक विषयमा जोखिमपूर्ण लगानीबाट टाढा रही खर्चको हिसाब स्पष्ट राख्नुहोला। परिवारमा पुराना असमझदारी हटाउन खुलेर संवाद गर्नु राम्रो हुनेछ। स्वास्थ्यका लागि तनाव कम गर्ने र पर्याप्त आराम लिने प्रयास गर्नुहोला।
(आजको लागि शुभ रंगः गाढा रातो, शुभ अंकः ९)
धनु राशि (ये, यो, भ, भि, भु, ध, फा, ढ, भे) आज नयाँ कुरा सिक्ने, यात्रा योजना बनाउने वा आफन्तसँग भेटघाट गर्ने अवसर मिल्न सक्छ। कामकाजमा सकारात्मक सोचले नयाँ सम्भावना पहिचान गर्न सहयोग गर्नेछ। आर्थिक लाभको सम्भावना भए पनि खर्चमा संयम अपनाउनुहोला। पारिवारिक जीवनमा आपसी सहयोग र सद्भाव बढ्नेछ। विद्यार्थी तथा ज्ञानसम्बन्धी काममा संलग्न व्यक्तिले नियमित प्रयासबाट राम्रो उपलब्धि हासिल गर्न सक्नेछन्।
(आजको लागि शुभ रंगः पहेंलो, शुभ अंकः ३)
मकर राशि (भो, ज, जि, खि, खु, खे, खो, गा, गि) आज जिम्मेवारी पूरा गर्न धैर्य र अनुशासन आवश्यक पर्नेछ। व्यापारमा पुराना अनुभवको उपयोग गर्दा लाभदायी निर्णय लिन सकिनेछ। आर्थिक कारोबारमा ऋण वा ठूलो लगानीसम्बन्धी निर्णय हतारमा नगर्नुहोला। परिवारका ज्येष्ठ सदस्यसँग समय बिताउँदा उपयोगी सुझाव प्राप्त हुन सक्छ। स्वास्थ्यका लागि नियमित आराम र सन्तुलित खानपानमा ध्यान दिँदै शरीरलाई आवश्यक समय दिनुहोला।
(आजको लागि शुभ रंगः निलो, शुभ अंकः ८)
कुम्भ राशि (गु, गे, गो, सा, सि, सु, से, सो, द) आज सिर्जनात्मक सोच र सहकार्यले नयाँ अवसर दिलाउन सक्छ। पेसा तथा व्यवसायमा नयाँ सीप वा विचार प्रयोग गर्ने योजना बनाउन सकिनेछ। आर्थिक विषयमा लाभको सम्भावना देखिए पनि वास्तविक अवस्था बुझेर मात्र निर्णय लिनुहोला। परिवार तथा साथीभाइसँगको भेटघाटले मन प्रसन्न बनाउनेछ। मानसिक शान्तिका लागि ध्यान, प्रार्थना वा आफूलाई मन पर्ने रचनात्मक काममा समय दिनुहोला।
आजको लागि शुभ रंगः बैजनी, शुभ अंकः ४)
मीन राशि (दि, दु, थ, झ, ञ, दे, दो, च, चि) आज सेवाभाव र सकारात्मक सोचले पारिवारिक तथा सामाजिक सम्बन्धमा राम्रो प्रभाव पार्नेछ। कामकाजमा नयाँ जिम्मेवारी प्राप्त हुन सक्छ, तर आफ्नो क्षमता र समयअनुसार योजना बनाउनुहोला। आर्थिक विषयमा अनावश्यक खर्च नियन्त्रण गरी बचतमा ध्यान दिनु राम्रो हुनेछ। प्रेम तथा पारिवारिक जीवनमा सहयोग र समझदारी बढ्नेछ। विद्यार्थीले नियमित अध्ययन र समयको सदुपयोग गरे अपेक्षित प्रगति गर्न सक्नेछन्।
(आजको लागि शुभ रंगः पहेंलो, शुभ अंकः ७)
डा. खेमराज मिश्र, पीएचडी (उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ, सम्पर्कः ९७६७-६७८३८३ बुद्दनगर, काठमाडाैं
