विराटनगर / कोशी प्रदेशको ऐतिहासिक र सांस्कृतिक राजधानी विराटनगरमा आगामी भदौ १ गते हुने भव्य रथयात्राको तयारी अन्तिम चरणमा पुगेको छ।
यस अवसरमा भक्तजनलाई पिउने पानीदेखि सर्वत, खाजा, खाना, मिठाई र प्रसादसम्म वितरण गर्न १९ संस्थाले हालसम्म औपचारिक अनुमति प्राप्त गरिसकेका छन्। विराटनगर महानगरपालिकाको सरसफाइ शाखाले खाद्य तथा पेयपदार्थ वितरण गर्न इच्छुकलाई अनुमति लिन अनिवार्य गरेको छ । जसको अन्तिम मिति साउन ३१ गते तोकिएको छ। अनुमति लिने संस्थाले वितरण हुने सामग्री, स्थान र समयको विवरणसहित स्वीकृति पाएका छन्।
शाखा प्रमुख पुनमकुमार दाहालका अनुसार सेवा कार्यमा हिन्दु समुदाय मात्र नभई मुस्लिम, बौद्ध र अन्य धर्मका श्रद्धालुहरूसमेत सक्रिय सहभागिता जनाइरहेका छन्। गत वर्ष एक सयभन्दा बढी संस्था र समूहले सेवा गरेका थिए । जसमा मुस्लिम समुदायका युवा र महिलासमेत उत्साहपूर्वक सहभागी थिए।
विराटनगर रथयात्रामा सेवा वितरणका लागि १९ संस्था तयार
