विराटनगर- विराटनगरको मेनरोडस्थित अथिति सदन अगाडlको धेरै वर्ष पुरानो पिपलको रुख काटेको भन्दै विराटनगरका सामाजिक अभियन्ता पारुल क्षेत्री रुखमुनि बसेर विरोध जनाएका छन्।
नेपाल विद्युत प्राविधीकरणले अतिथि सदनअगाडि रहेको पिपलको रुख आइतबार काटेको थियो। विरुवा बचाउनु पर्ने समयमा रुख काटेर बदमासी गरेको भन्दै अभियन्ता क्षेत्रीले यो कार्य संलग्नहरू धर्मविरोधी समेत भएको बताए।
यस कार्यले पर्यावरणमा असर पुगेको क्षेत्री बताउँछन्। उनी विगत केही वर्षयता विराटनगरलाई हरित नगरी बनाउने अभियानमा जुटिरहेका छन्।
क्षेत्रीले विराटनगर महानगरपालिकाभित्र हजारौं रुख रोपिसकेका छन्। उनको यो अभियान उदाहरणीय रहेको भन्दै सामाजिक क्षेत्रबाट प्रशंसा भइरहेको छ।
क्षेत्री नेकपा एकीकृत समाजवादीमा आवद्ध रहेकोमा पछिल्लो समय राजनीतिक गतिविधिबाट टाढिएर सामाजिक अभियानमा जुटेका छन्।
