काठमाण्डाै – वेस्ट इन्डिजका रोस्टन चेज पुरुष टी–२० अन्तर्राष्ट्रिय क्रिकेटमा रिटायर आउट हुने दुई पूर्ण सदस्य टोलीको पहिलो ब्याटर बनेका छन् ।
आज लाउडरहिलमा घरेलु टोली पाकिस्तानसँगको तेस्रो तथा निर्णायक खेलमा रोस्टन चेज दुई पूर्ण सदस्य टोलीहरू भएको टी–२० अन्तर्राष्ट्रिय क्रिकेटमा रिटायर आउट हुने पहिलो ब्याटर बनेका हुन् ।
पाकिस्तानले दिएको १ सय ९० रनको लक्ष्य पछ्याउने क्रममा उनी १२ बलमा १५ रनमा रिटायर आउट भएका थिए । यो खेल १३ रनले जित्दै पाकिस्तानले शृङ्खला २–१ ले जितेको थियो ।
एक पूर्ण सदस्य टोली भएको पुरुष टी–२० अन्तर्राष्ट्रिय क्रिकेटमा ब्याटर रिटायर भएको यसअघि एउटा मात्र उदाहरण छ । सन् २०२४ को टी–२० विश्वकपमा नामिबियाका ओपनर ब्याटर निकोलस डेभिनले नर्थ साउन्डमा इङ्गल्यान्डसँगको खेलमा १० ओभरमा १२६ रनको लक्ष्य पछ्याउँदै १६ बलमा १८ रन बनाएपछि रिटायर आउट भएका थिए ।
यस्तै दुई एसोसिएट टोलीहरू समावेश भएका खेलहरूमा अन्य १० यस्ता आउटहरू रेकर्ड गरिएका छन् ।
कुनै खेलाडी विनाकारण ब्याटिङ गर्दागर्दै मैदानबाहिर जान्छ भने त्यसलाई रिटायर आउट भनिन्छ । रिटायर आउट भएको खेलाडीले त्यस खेलमा फेरि आएर खेल्न पाउँदैन । टिमकाे आवश्यकता अनुसार खेलाडीले रिटायर आउट लिन्छन् ।
