काठमाडौं- नेपाल स्टक एक्सचेञ्ज (नेप्से) परिसूचक ५.५४ अंकले घटेर २ हजार ६ सय ३५.०० विन्दुमा कायम भएको छ । सोमबार नेप्से परिसूचक घटेता पनि कारोबार रकम भने केही बढेको छ ।
गएको बिहीबार ४ अर्ब ९० करोडको कारोबार भएकोमा सोमबार ६ अर्ब ४७ करोडको भयो । सोमबारको कारोबारमा ७५ कम्पनीको मूल्य बढ्दा १७८ कम्पनीको घट्यो भने ७ कम्पनीको स्थिर रह्यो । सोमबार धेरै कारोबार भएका कम्पनीमा एसवाई प्यानल, राधि विद्युत्, मञ्जुश्री फाइनान्स, श्रीनगर एग्रिटेक र शिवम् सिमेन्ट कम्पनी अगाडि रहेका छन् ।
उत्पादन तथा प्रशोधन समूह सबैभन्दा धेरै १.०२ प्रतिशत बढ्यो । त्यस्तै व्यापार समूह सबैभन्दा धेरै १.१६ प्रतिशत घट्यो । विकास बैंक ०.०२, होटल तथा पर्यटन ०.१० प्रतिशत बढे । त्यस्तै बैंकिङ ०.२५, फाइनान्स ०.५३, हाइड्रोपावर ०.११, लगानी ०.४२, जीवन बीमा ०.१८, माइक्रोफाइनान्स ०.६६, निर्जीवन बीमा ०.१४, अन्य ०.२९ प्रतिशत घटे ।
दुई कम्पनीको मूल्य १० प्रतिशत बढ्यो । १० प्रतिशत बढेका कम्पनीमा एसवाई प्यानल र श्रीनगर एग्रिटेक कम्पनी छन् । त्यस्तै रसुवागढी हाइड्रोपावरको ८.५३, बुङ्गल हाइड्रोपावरको ५.४१, ट्रेड टावरको ५.३०, सिक्लेस हाइड्रोपावरको ५.२९ प्रतिशत मूल्य बढ्यो । त्यस्तै सुपर मादी हाइड्रोपावरको ४.२५, कालिका लघुवित्तको ३.८५, मायाखोला हाइड्रोपावरको ३.७१ प्रतिशत मूल्य घट्यो ।
