काठमाडौँ । बालगायक निश्चल अधिकारीको स्वर रहेको बालखैमा दिल बस्यो गौथली २ को भिडियो सार्वजनिक भएको छ । बालखैमा दिल बस्यो गौथलीको भिडियोलाई ६ करोड भन्दा बढी पटक दर्शकको माया पाएसँगै निर्माण पक्षले यसको भाग २ बजारमा ल्याएको हो । दीपक शर्माको शब्द तथा संगीत सृजना रहेको छ । नरेन्द्र वियोगीको एरेन्ज मिक्सिङ तथा मास्टरिङ रहेको गीतमा बालकलाकारद्धय आलोक चौरेली र आयुषा ढकालको लोभलाग्दो अभिनय देख्न सकिन्छ । सार्वजनिक गीतको भिडियोमा उज्जवल भविष्यको संभावना खोज्दै दुर दराजको गाउँबाट शहर पसेको एउटा बालकले भोग्नु परेको असहज परिस्थितीलाई भिडियोमा देखाइएको छ । जहाँ उस्तै उमेरकी आयुषीले आलोकले भोगेको परिस्थितीलाई सहजीकरण गर्दै स्कुल पढ्नेसम्मको वातावरण बनाइएको सन्देश मुलक र नेपाली समाजमा व्याप्त कथालाई कलात्मक शैलीमा लोकप्रिय युवा निर्देशक प्रहील कार्कीले भिडियोमा देखाएका छन् । भिडियो रिलिज भएसँगै संगीतकार शर्माले आफ्नो पछिल्लो सृजनामा आशा बोकेको गीत बनेको बताए । बाल्यकालदेखि नै गायनमा क्रियाशिल गायक निश्चलको अफिसियल युट्युब च्यानल निश्चल अधिकारीबाट बजारमा ल्याएका हुन् । काठमाडौँका विभिन्न स्थानमा छायांकन गरिएको गीतको छायांकन राजेश घिमिरे र केही भाग योगेन थापाले गरेका हुन् । सार्वजनिक गीतको भिडियाको सम्पादन माधव वेल्वासेले गरेका हुन् ।
निश्चलको बालखैमा दिल बस्यो गौथली २ मा आलोक र आयुषा
