लोक–गायनको आधुनिक स्वाद प्रस्तुत गर्ने नयाँ सिर्जना ‘गाउँमा बारी छ’ हालै सार्वजनिक गरिएको छ। गीतमा अभिनेत्री मनिषा गिरीको आकर्षक प्रस्तुति र स्वाभाविक अभिनयले दर्शक–श्रोताको ध्यान खिचेको छ।
यस गीतमा सीडी विजया अधिकारी र सिमरन परियारको स्वर रहेको छ। गीतका शब्द नवराज भुमरी आचार्य र सीडी विजया अधिकारीले लेखेका हुन् भने संगीत संयोजन पनि अधिकारीकै रहेको छ। गीतको एरेन्ज, मिक्स तथा मास्टर अनुभवी संगीतकर्मी राजु कार्कीले गरेका छन्। रेकर्डिङ योगेन मुकारुङले सेवा रेकर्डिङ स्टुडियोमा सम्पादन गरेका हुन्।
भिडियो पक्षमा, कलाकार दीपेन्द्रराज गिरी, मनिषा गिरी, निर्मल भण्डारी, अञ्जली बाँस्तोला, कुमार भारतीसहितका विभिन्न कलाकारहरूको जीवन्त अभिनय समेटिएको छ। भिडियो वीरेन्द्र भट विपिनले खिचेका हुन् भने महेश महरा सहायक क्यामेरा तथा ड्रोन अपरेटरका रूपमा सहभागी छन्। भिडियोको सम्पादन तथा रंगसम्बोधन दिन्सन शाहले गरेका छन्। निर्देशन CDM संगीत सिर्जनाको टोलीले सम्हालेको हो।
गीतका दृश्यहरूमा मनिषा गिरीले देखाएको सहजता, लयात्मकता र भावनात्मक अभिव्यक्तिले भिडियोको आकर्षण झनै बढाएको छ।
