काठमाडौं — नयाँ गीत ‘परदेशी साइलो’ सार्वजनिक गरिएको छ। गीतमा रामु सुनार र रोशनी रुचालको स्वर रहेको छ भने रचना कृष्ण कँडेलले तयार पारेका हुन्। अर्जुन पन्तको संगीत र तेजेन्द्र दुराको संगीत संयोजन तथा मिक्स–मास्टरिङले गीतलाई आधुनिक धारको प्रस्तुति दिएको छ।
भिडियोतर्फ निर्देशक अर्जुन पन्तले प्रस्तुत गरेको दृश्यरोपणलाई सह–निर्देशक अशोक पौडेलले साथ दिएका छन्। भिडियोमा कलाकार रामु सुनार, विनिता अधिकारी, महेश भुसाल (बाबुराजा), इसमु सुनार, अमृत परियार (गोरे), सरिता सुनार, मञ्जु सुनार, निकिता सुनार र भरत सुवेदीको अभिनय रहेको छ।
भिडियोका लागि कमल एलेक्सले सिनेम्याटोग्राफी तथा ड्रोन क्यामेरा सञ्चालन गरेका छन् भने सम्पादन सुशील डाँगीले गरेका छन्। समग्रमा गीत र भिडियो दुवैले प्रवास र परिवारबीचको भावनात्मक सम्बन्धलाई केन्द्रमा राख्दै दर्शक–श्रोताको मन छुने अपेक्षा गरिएको छ।
