काठमाडौं, कात्तिक ११ — चर्चित गायक रामकृष्ण ढकालले नयाँ गीत ‘टोकियो शहर’ लिएर आएका छन् । लामो समयपछि उनले प्रस्तुत गरेको यो गीतमा दिलीप तामाङको शब्द र न्हयु बज्राचार्यको संगीत रहेको छ ।
विदेशको शहर टोकियोलाई भावनात्मक रूपले चित्रण गरिएको यो गीतमा परदेशी जीवनको एकान्त, मायाको तिर्सना र मातृभूमिप्रतिको तडप समेटिएको छ । ढकालको विशिष्ट आवाज र बज्राचार्यको मधुर धुनले गीतलाई अझ हृदयस्पर्शी बनाएको छ ।
गीतको अडियो संस्करण हालै सार्वजनिक गरिएको छ भने यसको म्युजिक भिडियो निर्माणको तयारी भइरहेको बताइन्छ । गायक ढकालले भने, “यो गीतले परदेशमा रहेका नेपालीहरूका मन छुनेछ भन्ने विश्वास छ ।”
गीतका रचनाकार दिलीप तामाङले भने गीत लेख्दाको उद्देश्य नेपाली युवाहरूको विदेशप्रतिको आकर्षण र त्यसले ल्याउने एक्लोपनलाई संगीतमार्फत् प्रस्तुत गर्नु रहेको बताए ।
‘टोकियो शहर’लाई श्रोताले ढकालका अन्य लोकप्रिय गीतझैं मन पराउने अपेक्षा गरिएको छ ।
