गजलः यसपालि नि खेल्ने हो, देउसी र भैलो

-तेजन खड्का
यसपालि नि खेल्ने हो देउसी अनि भैलो
बिदेश जाने तयारीमा छ, पल्लोघरे माइलो

कोहीे कता कोहिँ कहाँ पुग्ने थाहा छैन
एकै ठाउँ काहा रहन्छ र , हामी सबको पाईलो

यसपालि नि खेल्ने हो देउसी र भैलो
बिदेश जाने तयारीमा छ, पल्लोघरे माइलो

बर्षदिनको चाँडपर्व घरआँगनमै आयो
फाल्नुपर्छ रिष राग मनभित्रको मैलो
यसपालि नि खेल्ने हो देउसी र भैलो

आउँछन् भनि प्रतिक्षामा बसिहोँलिन बुढि बजै
सजाएर राख्या होलिन घर आगन अनि दैंलो

यसपालि नि खेल्ने हो देउसी अनि भैलो
बिदेश जाने तयारीमा छ पल्लोघरे माइलो

देउसेले देखको आशिष हजुरहरुलाई लागि जाउँन
परिवारमा सुस्वास्थ्य, हुनुहोला सधैं पहिलो
यसपालि नि खेल्ने हो देउसी र भैलो
बिदेश जाने तयारीमा छ, पल्लोघरे माइलो