काठमाण्डौ – सरकारले खाडी सहित मध्यपूर्वका १२ वटा देशका लागि तत्काल श्रम स्वीकृति स्थगीत गरेको छ । मध्यपूर्वी क्षेत्रकमा विकसित विषम परिस्थितिका कारण नेपाल सरकारले वैदेशिक रोजगारीका लागि दिइँदै आएको श्रम स्वीकृति अस्थायी रूपमा स्थगन गर्ने निर्णय गरेको हो ।
श्रम स्वीकृति अस्थायीरुपमा स्थगीत गरेका देशहरुमा साउदी अरब, संयुक्त अरब इमिरेट्स (यूएई), कतार, कुवेत, बहराइन, ओमान, इराक, यमन, जोर्डन, लेवनान, टर्की र इजरायल छन् ।
श्रम, रोजगार तथा सामाजिक सुरक्षा मन्त्रालयले सम्बन्धित विभाग तथा मातहतका कार्यालयबाट प्रदान गर्ने व्यक्तिगत तथा संस्थागत दुवै प्रकारका श्रम स्वीकृति अर्को निर्णय नभएसम्मका लागि रोक लगाउन निर्देशन दिएको छ ।
मन्त्रालयले अहिलेको परिस्थितिमा नेपाली कामदारको सुरक्षा र हितलाई प्राथमिकतामा राख्दै यो निर्णय गरेको र अवस्था सामान्य भएपछि पुनः निर्णय गर्ने जनाएको छ ।
