काठमाडौँ क्षेत्र नम्बर ८, वडा नं १३ का ६० बढी स्थानीय बासिन्दाहरुले सगुन दिएर स्वागत गरे

काठमाडौँ क्षेत्र नम्बर ८, वडा नं १३ का ६० बढी स्थानीय बासिन्दाहरुले सगुन दिएर स्वागत गरे काठमाडौं । काठमाडौं ८ का रास्वपाका उम्मेद्धवार विराजभक्त श्रेष्ठले घरदैलोलाई तिब्रता दिईरहेका छन् । यसैबिच बुधबार वडा नम्बर १३ को घरदैलोका क्रममा स्थानीयहरुले विधिवत सगुन प्रदान गर्दै आफ्नो टोलमा स्वागत गरेको छ । सो अवसरमा करिब ६० भन्दा बढी स्थानीयको समुहले मत माग्दै हिँडेको बिराजको समुहलाई सगुन प्रदान गरेको हो । नेवारी समुदायमा सगुन प्रदान गर्नु भनेको मनैदेखि स्वागत गर्ने भन्ने बुझिन्छ । कुनै शुभकार्य गर्नु अघि सुगुन दिनुलाई राम्रो मानिन्छ । यसअघि काँग्रेस एमालेले पालै पालो जित्दै आएको काठमाडौं ८ का चर्चित उम्मेद्धवार हुन् विराजभक्त श्रेष्ठ । २०७९ को निर्वाचनमा उनले १० हजार १०५ मत प्राप्त गरी विजयी भएका थिए । उक्त क्षेत्रका मतदातका माझमा विराजले रास्वपको लहरपछि झनै चर्चा लोकप्रियता र साथ पाईरहेको स्थानीय मतदाताहरु बताउँछन् । शान्त र मिजाशिलो स्वभाव नै बिराजको सबैको मन जित्ने पहिलो आधार हो । अर्को आधार अघिल्लो पटकको बिजेता बन्नु हो । स्पष्ट बोल्न सक्ने बिराज आँफैमा अन्य नेताहरु भन्दा ग्राउण्डमा परिपक्व देखिन्छन् । काठमाडौं ८ मा अन्य दलको भन्दा बिराजको माहोल उनको पक्षमा स्पस्ट देखिन्छ ।