विराटनगर, ६ मंसिर – नेकपा एमाले विराटनगरका युवानेता राम पोखरेलले पार्टीको आगामी ११औँ महाधिवेशनमा युवा प्रतिनिधिका रूपमा सहभागी हुने भएका छन ्। विराटनगर–८ का वडाध्यक्ष समेत रहेका पोखरेल लामो समयदेखि एमालेको संगठन विस्तार र युवा गतिविधिमा सक्रिय हुँदै आएका छन ।नेकपा एमालेमा उनको प्रतिनिधित्वले संगठनमा थप टेवा पुग्ने विश्वास छ ,।
एमालेको महाधिवेशन मंसिर २७ देखि २९ गतेसम्म काठमाडौंमा हुँदैछ भने मंसिर १३ गते देशभरबाट प्रतिनिधि छनोट प्रक्रिया सुरु हुँदैछ। पार्टीले प्रतिनिधि सभा क्षेत्रका १ हजार २ सय संगठित सदस्य भएमा कम्तीमा एक जना ४० वर्षमुनिका युवा प्रतिनिधि अनिवार्य सहभागी गराउनुपर्ने व्यवस्था गरेको छ । मोरङ क्षेत्र नं. ४ बाट पनि एक युवा प्रतिनिधि चयन हुने प्रक्रिया छ, जसका लागि पोखरेल इच्छुक रहेका छन्। मोरङबाट ७ जना युवा सहित ४३ जना प्रतिनिधि एमाले महाधिवेशनका लागि चयन हुने अनुमान गरिएको छ। उनले युवा संघमार्फत पाएका विभिन्न जिम्मेवारी सफलतापूर्वक सम्हालेका छन्। पोखरेल एमाले महानगर वडा कमिटी अध्यक्ष, महानगर कमिटी प्रवक्ता लगायत पदमा रहेर काम गरिसकेका छन्। महानगर कमिटी उपाध्यक्षमा भने उनी पराजित भएका थिए।
विराटनगर–८ का पूर्व वडा कमिटी अध्यक्ष पोखरेलले संगठन मजबुत पारेको मूल्यांकन गर्दै २०७९ सालको स्थानीय तह निर्वाचनमा वडाध्यक्षका रूपमा विजयी भएका थिए।
