काेशी प्रदेशका एक बहुआयामिक ब्यक्तित्व डा माेहन सुबेदीकाे परिचय र छाेटाे जीवनकथा प्रस्तुत गर्ने प्रयास गरेका छाैं ।
एक बहुआयामिक व्यक्तित्वको प्रतीक
नेपालको काेशी प्रदेशमा शिक्षा, आर्थिक विश्लेषण र लेखाव्यवसाय, सामाजिक विकास र राजनीतिक क्षेत्रमा समेत उल्लेखनीय योगदान दिने व्यक्तित्व हुन् डा. मोहन सुबेदी। इलाम जिल्लाको सूर्योदय नगरपालिका वार्ड नं. १ (साविक गोर्खे गा.वि.स. वार्ड नं. २) मा २०२८ बैशाखमा बुवा राधाकृष्ण सुबेदी र आमा नरमाया सुबेदीका कान्छा सुपुत्रका रुपमा जन्मिएका सुबेदी हाल विराटनगर, मोरङमा स्थायी बसोबास गर्दै आएका छन्। श्रीमती र १ छाेरासहित ३ जनाकाे परिवार रहेका सुबेदीको जीवन यात्रा ग्रामीणपरिवेशबाट सुरु भई राष्ट्रिय तथा अन्तर्राष्ट्रिय स्तरसम्म पुग्ने प्रेरणादायी कथा हो।
शैक्षिक यात्रा र विध्यावारिधिकाे कुरा गर्दा
डा. सुबेदीको शैक्षिक यात्रा इलामको चन्द्रकला प्राथमिक विद्यालयबाट सुरु भई हिमालय माध्यमिक विद्यालय, करफोक माध्यमिक विद्यालय हुँदै मेची बहुमुखी क्याम्पसमा स्नातक र डिग्री क्याम्पस, विराटनगरमा स्नातकोत्तरसम्म पुग्यो। २०७८ सालमा उनले नेपालको शेयर बजार सम्बन्धमा विध्यावारिधि (PhD) हासिल गरे, जसले उनको लेखा तथा वित्तीय क्षेत्रप्रतिको गहिरो अध्ययनलाई प्रमाणित गर्छ।
विद्यार्थी राजनीति र नेतृत्व विकासका क्षेत्रमा
२०४६ सालमा मेची बहुमुखी क्याम्पसबाट विद्यार्थी राजनीति सुरु गरेका सुबेदीले २०४८ र २०५१ मा आफ्नो संगठनको केन्द्रीय महाधिवेशन सफलतापूर्वक सम्पन्न गर्न मुख्य भुमिकामै रहेर याेगदान गरे। बिराटनगरकाे डिग्री क्याम्पसमा समेत बिध्यार्थी क्षेकाे नेतृत्व तहमा रहेर काम गरेका उनले प्रारम्भिक उमेरमै संगठनात्मक कौशल प्रदर्शन गरेका थिए।
व्यावसायिक उद्यमशीलता तर्फ
२०५८ सालमा विराटनगरमा प्रोफेसनल करियर एकाडेमी स्थापना गरी चार्टर्ड एकाउन्टेन्सी (CA) को अध्ययन–अध्यापन सुरु गर्ने सुबेदी काेशी प्रदेशमा यो क्षेत्रको अग्रणी बने। यो संस्थाबाट उत्पादित दर्जनाैं सिएहरू हाल राष्ट्रिय तथा अन्तर्राष्ट्रिय बजारमा कार्यरत छन्। यसअघि २०५५ मा उनले विराट कम्प्युटर नेटवर्क मार्फत तत्कालीन पूर्वाञ्चलमा पहिलो पटक इन्टरनेट सेवा सुरु गरेका थिए।
२०६८ देखि २०७४ सम्म एप्लाइड कलेजको अध्यक्षको रूपमा रहेर निजी क्षेत्रको उच्च शिक्षामा पनि योगदान दिए। स्नातक पछि स्नातकोत्तर नसकिदासम्म घरायसी लघु जलविद्युत परियोजनाकाे प्रवन्ध निर्देशककाे जिम्मेवारी समेत २०५१–५३ सम्म बहन गरे यसैगरी बेलायती निर्माण कम्पनी काे EROM2 परियाेजनासँग धरान–धनकुटा सडक निर्माणमा एकाउन्टिङ कन्सल्टेन्ट (२०५३–५८) को रूपमा काम गरेर उनले उच्च व्यावहारिक अनुभव आर्जन गरे।
लेखा तथा अडिट क्षेत्रमा नियामक भूमिकामा देखापरेका उनले
२०५५ मा महालेखापरीक्षकाे बिभागबाट बी क्लासकाे लेखापरीक्षण लाइसेन्स लिएपछि हजारौं संस्थाको अडिट गरिसकेका सुबेदीले नेपाल चार्टर्ड एकाउन्टेन्ट्स संस्था (ICAN) को बोर्ड सदस्य (२०६८–७१) र नेपाल एकाउन्टिङ स्ट्यान्डर्ड बोर्डमा नेपाल सरकारद्वारा नियुक्त सदस्य (२०७१–७४) को रूपमा तीन–तीन वर्षे कार्यकाल सफलतापूर्वक पूरा गरे। उक्त अवधिमा नेपालमा एनफआरयस तर्जुमा र लागु गराउने कुरामा उनकाे याेगदान महत्त्वपूर्ण रह्याे ।
यसैगरी उनले नेपाल अडिटर्स एसोसिएसन (अडान) मा प्रदेशसचिव, अध्यक्ष हुदै देखि केन्द्रमा सचिव, उपाध्यक्ष, प्रथम उपाध्यक्ष सम्हालेका उनी हाल तीन कार्यकालदेखि केन्द्रीय सल्लाहकार परिषद्को सह–संयोजक रुपमा लेखाक्षेत्रकाे विकाशका तल्लीन छन्।
सामाजिक विकासकाे संलग्नताकाे कुरा गर्दा
२०६० मा मनोकामना सामुदायिक विकास केन्द्र को अध्यक्ष तथा कार्यकारी निर्देशक बनेर प्लान इन्टरनेसनल र वल्डभिजनको सहयोगमा सुनसरी–मोरङमा बायोग्यास, वातावरण संरक्षण, पशुपालन, कृषि प्रवर्धन र वित्तीय पहुँच वृद्धिका कार्यक्रम सञ्चालन गरे। २०६५–६८ मा एनजीओ फेडेरेसन मोरङ को कोषाध्यक्ष र २०६५–७० मा प्लान/वल्डभिजनमा आन्तरिक लेखापरीक्षकको रूपमा पनि काम गरे। शैक्षिक योगदान र प्रशिक्षण क्षेत्रमा उनले
२०५५ देखि निरन्तर रुपमा महेन्द्र मोरङ क्याम्पसमा प्राध्यापन गर्दै आएका सुबेदीले २०६३–६६ मा पूर्वाञ्चल विश्वविद्यालयमा पनि पढाए। हाल उनी महेन्द्र मोरङ क्याम्पस, कंकाई बहुमुखी क्याम्पस, इन्द्रचन्द्र क्याम्पस बिर्तामोड, सितारमेश क्याम्पस बुधबारे र गरुवा क्याम्पस गाईघाटमा त्रिवि प्रतिनिधिकाे रुपमा क्याम्पस व्यवस्थापन समितिमा कार्यरत छन्। महेन्द्र माेरङ क्याम्पसमा वित्तशास्त्र बिभागका अध्यक्षकाे रुपमा रहेका सुबेदी क्याम्पसको बजेट समितिको अध्यक्ष समेत छन । लेखा, वित्त, अडिट, परियोजना व्यवस्थापन र व्यावसायिक विकासमा प्रशिक्षकको रूपमा पनि उनी निरन्तर रुपमा सक्रिय छन्।
सामाजिक सेवा र अन्तर्राष्ट्रिय अनुभवकाे कुरा गर्दा २०७४ मा लायन्स क्लब अफ विराटनगर युनाइटेड को अध्यक्ष बनेका सुबेदी हालसम्म लायन्सका विभिन्न उच्च पदमा सक्रिय छन्। पेशागत भ्रमणका क्रममा अन्तर्राष्ट्रिय भ्रमणको रुपमा २५ भन्दा बढी देशकाे भ्रमण गरिसकेका उनी विश्वव्यापी दृष्टिकोणका धनी छन्।
वर्तमान जिम्मेवारीकाे रुपमा
हाल कोशी प्रदेश सरकारको मुख्यमन्त्रीका आर्थिक सल्लाहकारको रूपमा कार्यरत डा. सुबेदीले उद्योग संगठन मोरङ, घरेलु तथा साना उद्योग महासंघ लगायतका संस्थामा कन्सल्टेन्ट तथा सल्लाहकारको भूमिकामा पनि रहिसकेका छन्। प्रदेशकाे बिकाशमा सरकारी साधनस्राेत मात्र पर्याप्त हुदैन भन्ने धारणा राख्ने उनले प्रदेश सरकारलाई निजी क्षेत्रसंग सहकार्य गर्न निरन्तर घच्घचाईरहेका छन ।
डा. मोहन सुबेदी एउटा यस्तो व्यक्तित्व हुन्, जसले ग्रामीण बालकबाट सुरु भएको यात्रालाई शिक्षक, उद्यमी, लेखापाल, सामाजिक अगुवा, नियामक र प्रदेशस्तरीय विकाशमा सल्लाहकारीय भुमिकामा समेत आफुलाई सफलतापूर्वक उभ्याईसकेका छन्। गतबर्ष काेशीप्रदेशमा सम्पन्न लगानी सम्मेलनमा समेत उनी अग्रणी भुमिकामा रहेर बिकाश माेडेल प्रस्तुत गर्न सफल भए । उनको जीवनले मेहनत, दूरदर्शिता र सामाजिक उत्तरदायित्वको सन्देश दिन्छ। उनी कोशी प्रदेशको आर्थिक तथा शैक्षिक विकासमा महत्वपूर्ण योगदान दिइरहेका एक प्रेरणादायी नाम हुन्।
