रोशन पोखरेल विराटनगर, मोरङ । जिल्ला आयुर्वेद स्वास्थ्य केन्द्र विराटनगरले आर्थिक वर्ष २०८२÷०८३ का लागि बालबालिकाको स्वर्ण विन्दु प्राशन कार्यक्रम सम्बन्धी अभिमुखिकरण कार्यक्रम सम्पन्न गरेको छ।
कार्यक्रमको अध्यक्षता जिल्ला आयुर्वेद स्वास्थ्य केन्द्र विराटनगरका प्रमुख राम प्रमोद चौधरीले गर्नुभएको थियो । कार्यक्रममा प्रमुख राम प्रमोद चौधरीले बालबालिकामा बढ्दो उमेरका क्रममा विभिन्न शारीरिक , मानसिक विकासका अनेक चरणहरु हुने भएकाले संक्रमण सम्भावना अत्याधिक हुने भएकाले बालवालिकालार्य स्वर्णविन्दु प्राशनको प्रयागवाट बुद्धि , स्मरणशक्ति , वाणी, पाचनशक्ति र शारीरिक वल बृद्धि हुने कुरा बताउनुभयो । सो अवसरमा प्रमुख चौधरीले जिल्ला आयुर्वेद स्वास्थ्य केन्द्र विराटनगरबाट आगामी कार्तिक २५ गतेदेखि स्वर्ण विन्दु प्राशन कार्यक्रम औपचारिक रूपमा सुरु गरिने जानकारी प्रमुख चौधरीले दिनुभयो। उहाँका अनुसार १ वर्षदेखि ५ वर्षसम्मका बालबालिकालाई हरेक महिना नियमित रूपमा स्वर्ण विन्दु प्राशन गराउनुपर्ने छ। पाँच वर्ष पूरा नहुँदासम्म यो प्रक्रिया निरन्तर रुपमा सञ्चालन गरिने पनि उहाँले बताउनुभयो। । बालबालिकालाई आवश्यकताको आधारमा २ थोपा देखी ४ थोपा सम्म नियमित खुवाउनुपर्ने पनी कार्यक्रममा प्रमुख चौधरीले बताउनुभयो ।
कार्यक्रममा विराटनगर महानगरपालिका वार्ड ८ का वडा अध्यक्ष राम पोखरेलले जिल्ला आयुर्वेद स्वास्थ्य कार्यलयका हरेक काममा महानगरपालिका का जनप्रतिनिधि , कर्मचारी र आम व्याक्तित्वहरुले सहयोग सदैव गर्ने प्रतिवद्धता व्यक्त गर्नुभयो । यस कार्यक्रममार्फत बालबालिकाको शारीरिक, मानसिक तथा रोगप्रतिरोधात्मक क्षमता वृद्धि हुने अपेक्षा गरिएको छ ।
