मेष (चु, चे, चो, ला, लि, लु, ले, लो, अ)
आज सफलता प्राप्त गर्न प्रतिस्पर्धात्मक वातावरणको सामना गर्नुपर्ने देखिन्छ । व्यवसाय वा काममा लगानी बढाउनुपर्ने अवस्था आएपनि त्यसबाट भविष्यमा राम्रो प्रतिफल प्राप्त हुनेछ । आर्थिक कारोबारमा सावधानी अपनाउनु आवश्यक छ, किनकि सामान्य गल्तीले पनि नोक्सानी निम्त्याउन सक्छ ।
वृष (इ, उ, ए, ओ, बा, बि, बु, बे, बो)
दाजुभाइ तथा परिवारका सदस्यसँग समय बिताउने अवसर मिल्नेछ । सन्तानको प्रगति वा पारिवारिक जिम्मेवारीमा सक्रिय हुनुपर्ने देखिन्छ । सरकारी तथा प्रशासनिक काममा सफलता मिल्ने योग छ । पदोन्नति वा स्थानान्तरणको प्रयास गरिरहनुभएको छ भने आजको दिन अनुकूल रहनेछ । प्रेम सम्बन्धमा आत्मीयता बढ्ने सम्भावना छ ।
मिथुन (का, कि, कु, घ, ङ, छ, के, को, ह)
पेसागत उन्नतिका लागि नयाँ योजना सुरु गर्न उपयुक्त दिन छ । कामको चाप बढेपनि त्यसअनुसार उपलब्धि प्राप्त हुनेछ । सरकारी काम, सार्वजनिक क्षेत्र वा आर्थिक कारोबारबाट लाभ मिल्ने सम्भावना छ । नेतृत्व क्षमता देखाउने अवसर प्राप्त हुनेछ र तपाईंका निर्णय प्रभावकारी साबित हुनेछन् ।
कर्कट (हि, हु, हे, हो, डा, डि, डु, डे, डो)
नयाँ ज्ञान हासिल गर्ने र अनुभवबाट सिक्ने अवसर मिल्नेछ । गुरु तथा अनुभवी व्यक्तिसँगको छलफल लाभदायी हुनेछ । परिवार र साथीभाइको साथ सहयोग पाइए पनि अत्यधिक उदारता देखाउँदा केहीले त्यसको अनुचित फाइदा उठाउन सक्छन् । कार्य क्षेत्रमा वरिष्ठको सहयोगले रोकिएका काम पूरा हुने सम्भावना छ ।
सिंह (मा, मि, मु, मे, मो, टा, टि, टु, टे)
आज मन केही अशान्त रहन सक्छ । व्यक्तिगत सम्बन्धमा तेस्रो व्यक्तिको हस्तक्षेपले गलतफहमी उत्पन्न हुन सक्ने भएकाले संयम अपनाउनुहोस् । नयाँ योजना सुरु गर्नुभन्दा पुराना कामलाई व्यवस्थित गर्नु उपयुक्त हुनेछ । अप्रत्याशित आर्थिक लाभको सम्भावना भने देखिन्छ ।
कन्या (टो, प, पि, पु, ष, ण, ठ, पे, पो)
मनोरञ्जन र रमाइलो गतिविधिमा समय बित्नेछ । कार्य क्षेत्रमा पनि मेहनतअनुसारको प्रतिफल प्राप्त हुनेछ । परिवारको आवश्यकताले योजनामा परिवर्तन आउन सक्छ । कामकाजी व्यक्तिका लागि प्रतिष्ठा बढ्ने योग रहेको छ । सन्तानबाट खुसीको समाचार प्राप्त हुन सक्छ ।
तुला (र, रि, रु, रे, रो, ता, ति, तु, ते)
आफ्नो क्षमता प्रमाणित गर्ने अवसर प्राप्त हुनेछ । रिस र आवेग नियन्त्रण गर्न सके दिन फलदायी बन्नेछ । तर्क वा छलफलमा सफलता मिल्ने सम्भावना छ । जीवनसाथीसँग अनावश्यक शंका नगरी विश्वास कायम राख्दा सम्बन्ध अझ बलियो बन्नेछ ।
वृश्चिक (तो, ना, नि, नु, ने, नो, या, यि, यु)
सन्तान वा परिवारका सदस्यबाट सहयोग प्राप्त हुनेछ । नयाँ तथा दीर्घकालीन लाभ दिने कामको सुरुआत हुन सक्छ । अध्ययन, सिर्जनात्मक कार्य र सीप प्रदर्शनका लागि दिन अनुकूल छ । टाढाबाट सुखद समाचार प्राप्त हुने सम्भावना छ ।
धनु (ये, यो, भ, भि, भु, ध, फा, ढ, भे)
दाम्पत्य जीवनमा सामान्य मतभेद देखिन सक्छ । कुनै पनि निर्णय गर्दा धैर्य र सकारात्मक सोच आवश्यक हुनेछ । भावनामा बगेर प्रतिक्रिया दिँदा सम्बन्धमा असर पर्न सक्छ । साथीभाइ वा शुभचिन्तकबाट आलोचना हुन सक्ने भएकाले संयमित व्यवहार गर्नु बुद्धिमानी हुनेछ ।
मकर (भो, ज, जि, खि, खु, खे, खो, गा, गि)
रोकिएका काममा पुन: प्रयास गर्दा सफलता प्राप्त हुनेछ । सहकर्मी तथा वरिष्ठको सहयोगले चुनौती पार गर्न सहज हुनेछ । मनपर्ने काममा ध्यान केन्द्रित गर्दा आत्मविश्वास बढ्नेछ । साँझतिर व्यक्तिगत सम्बन्धमा खुसी र आत्मीयता बढ्ने संकेत छ ।
कुम्भ (गु, गे, गो, सा, सि, सु, से, सो, द)
अतिरिक्त आम्दानीका नयाँ अवसर देखा पर्न सक्छन् । नयाँ व्यवसाय वा लगानीबारे अनुभवी व्यक्तिको सल्लाह लिएर अघि बढ्नु लाभदायी हुनेछ । मनोरञ्जन र यात्राको योजना बन्न सक्छ । साझेदारीमा गरिने कामबाट राम्रो प्रतिफल प्राप्त हुने सम्भावना छ ।
मीन (दि, दु, थ, झ, ञ, दे, दो, च, चि)
नयाँ काम सुरु गर्ने वा नयाँ स्थानको भ्रमण गर्ने सम्भावना छ । आत्मविश्वास बढ्नेछ र सिर्जनात्मक क्षमता प्रस्फुटित हुनेछ । लक्ष्य प्रति केन्द्रित रहेर काम गरे उल्लेखनीय सफलता प्राप्त गर्न सकिने दिन छ । कला, सिर्जना तथा व्यक्तिगत प्रतिभा प्रस्तुत गर्ने अवसर मिल्नेछ ।
