काठमाडौँ । किड्स किङ एण्ड क्विनका ४ जना बिजेता भियतान जाने भएका छन् । जेठको २३ गते भक्तपुरको हेरिटेज प्यालेसमा भव्यताका साथ सम्पन्न भएको फिनालेबाट चयन भएका ४ बिजेताहरु नाम्दिन सुब्बा , सान्भिका बज्राचार्य , प्रान्सी तुलाधर र बेदाश्री राज्य लक्ष्मी राणा आगामी बिहिबार भियतान जान लागेको आयोजक संस्था शाह स्टुडियो एन्ड कम्पनीका प्रमुख कार्यकारी अधिकृत मोनु शाहले जानकारी दिए ।
बिजयी प्रतियोगीहरुले भियतनाममा आगामी आईतबार नेपालको प्रतिनिधित्व गर्दै आफ्नो कला र संस्कृति प्रर्दशन गर्नेछन् । कार्यक्रममा नेपालका तर्फबाट मोनु शाह पनि निर्णायकका रुपमा रहेका छन् । ४ दिन लामो बसाई सकेर उनीहरु स्वदेश फर्किने कार्यक्रम रहेको आयोजकले जनाएको छ ।
