मेष
आज धन कमाउने नयाँ बाटाहरू खुल्ने दिन छ । सोचेका कामहरूमा सफलता मिल्नेछ । धन लाभको योग छ र दिन खुशी साथ बित्नेछ । परिवारमा सुखद माहोल रहनेछ र साथ दिने साथी वा अभिभावक भेटिनेछन् । कामको चाप र थकाइबाट मुक्त भएर आराम पाउने समय पनि छ ।
वृष
आज टाढाको यात्रा गर्ने योग छ । नयाँ स्थानको भ्रमणले मन रमाइलो बनाउनेछ । पुराना साथीहरूसँग भेटघाटले खुशी दिनेछ । हाँसखेल र मनोरञ्जनका लागि समय मिल्नेछ, साथै यात्रा मार्फत केही धनलाभ हुने सम्भावना छ ।
मिथुन
आज दैनिक प्रयोगका सामान बिग्रने कारण अर्थहानि हुन सक्छ । स्वास्थ्य कमजोर रहने र सामान्य रोगले सताउने दिन छ । काममा सफलता पाउन गार्हो हुने समय छ । कुनै नयाँ समाचारले खिन्नता बढाउन सक्छ, सोचेअनुसार काम पूरा नहुन सक्छ ।
कर्कट
सामाजिक मान सम्मानमा वृद्धि हुने दिन छ । तर, काममा केही बाधा आउन सक्छ । अरूका काममा समय खर्चिनुपर्ने र प्राप्त हुने फल सीमित रहनेछ । छर छिमेकमा असमझदारी बढ्ने योग छ, तर ठूलो हानि नपुग्ने देखिन्छ ।
सिंह
बन्द व्यापार वा व्यवसायबाट लाभ प्राप्त हुने दिन छ । स्वास्थ्यमा ठूलो समस्या नदेखिए पनि नयाँ काममा ध्यान दिएमा मान सम्मान बढ्नेछ । धार्मिक तथा परोपकारी कार्यबाट प्रतिष्ठा प्राप्त हुने सम्भावना छ । शारीरिक अस्वस्थता आउन सक्ने योग पनि छ ।
कन्या
आज काममा मन लाग्नेछ र आफन्तले साथ दिनेछन् । बौद्धिक कार्यबाट थोरै भएपनि लाभ हुनेछ । व्यवसायिक काम बीचमा अवरुद्ध हुन सक्छ । चुनौती आएपनि प्रयत्न गर्दा समयको सदुपयोग भएर धन लाभ हुनेछ ।
तुला
हात हतियार वा कुनै जोखिमपूर्ण काममा सावधानी अपनाउनुहोस् । छरछिमेकसँग सामान्य मनमुटाव वा विवाद हुने सम्भावना छ । परिवारजन वा अभिभावक रुष्ट हुन सक्छन् । आलोचना र विवाद बढ्न सक्ने दिन छ, सावधान रहनुहोस् ।
वृश्चिक
आज केही काममा झमेलाको सामना गर्नुपर्ने दिन छ । जागिर वा जिम्मेवारीमा अल्छीपन देखिन सक्छ । काममा बाधा आउन सक्छ, तर धन र मान सम्मान पाउने योग छ । नोकरी वा राजनीतिक क्षेत्रमा आफ्नो प्रभाव बढाउन सकिने समय छ ।
धनु
आज पराक्रम बढ्ने र अधुरा काम पूरा हुने दिन छ । नयाँ काम पाउने योग छ । पढाइमा मन नलाग्ने हुन सक्छ । पाहुना आगमनको सम्भावना छ । सामाजिक जिम्मेवारीमा सक्रिय रहन सकिनेछ । नयाँ जिम्मेवारी हात पार्ने मौका पनि छ ।
मकर
प्राय: सबै कामहरू बन्नेछन् । काममा सहयोग पाइनेछ र आर्थिक लाभ हुनेछ । आम्दानीका नयाँ स्रोत फेला पर्ने सम्भावना छ । भोज भत्तेरमा सहभागी भएर ठूला व्यक्तिको विश्वास पाउन सकिनेछ । सृजनात्मक वा बौद्धिक काममा सफलता पाइने समय छ । व्यापारमा पनि फाइदा हुनेछ ।
कुम्भ
बैदेशिक कार्यमा असफलता र दु:खको सम्भावना छ । भाग्यले साथ नदिने र धन नाश हुने योग छ । विवाद बढ्ने र सामाजिक मान सम्मानमा संकट आउन सक्ने दिन हो । घरायसी सम्पत्तिको चिन्ता बढ्न सक्छ । विगतका गल्ती वा कमजोरीले तनाव सिर्जना गर्न सक्छ ।
मीन
व्यापार वा दैनिक कामहरू सन्तोषजनक ढंगले सम्पन्न हुनेछन् । अन्न र धनको लाभ हुनेछ । नजिकको नातेदारको सहयोग मिल्नेछ । आम्दानी बढ्ने र उठ्नु पर्ने रकम हात लागी हुने समय छ । कृषि तथा पशुपालनमा पनि लाभ हुने दिन छ ।
