विराटनगर /
र्यापर सुरेश कुँवर (भिलेन–३९) को नयाँ गीत ‘सोच’ को म्युजिक भिडियो सार्वजनिक भएको छ। आर एण्ड बी शैलीमा तयार पारिएको उक्त गीतका शब्द र संगीत स्वयं कुँवरकै रहेका छन्।
गीतको भिडियो दोलखाको धार्मिक, सांस्कृतिक र प्राकृतिक आकर्षणका स्थल—च्छो रोल्पा ताल, दुधकुण्ड लगायत क्षेत्र—मा छायांकन गरिएको हो। लोकेन्द्र सुब्बाले क्यामेरा संचालन गरेका उक्त भिडियोलाई विक्रम तिमल्सिनाले निर्देशन गरेका छन्।
यसअघि ‘माया’, ‘रातको निन्द्रा’, ‘हामी नेपाली हो’ लगायत दर्जनौँ गीत सार्वजनिक गरेका कुँवरले ‘सोच’ आफूले फरक दृष्टिकोणबाट गाएको गीत भएको बताए। उनका अनुसार भिडियो पनि त्यसैअनुसार ४,५८० मिटर उचाइमा रहेको च्छो रोल्पा ताल र ४,७०० मिटरको दुधकुण्ड आसपासका हिमनदी क्षेत्रकै सुन्दरता समेटेर तयार पारिएको छ।
उच्च भेगमा इस्ट–कोस्ट शैलीका गीतका भिडियो निकै कम छायांकन हुने भएकाले यसले पर्यटन प्रवर्द्धनमा समेत टेवा पुर्याउने आशा आफूले राखेको कुँवरले बताए। आगामी दिनमा पनि उनी देशका विभिन्न स्थानमा पुगेर आफ्ना गीतका भिडियो छायांकन गर्ने योजनामा छन्।
गीतको भिडियो ‘भिलेन–३९’ नामक युट्युब च्यानलमार्फत सार्वजनिक गरिएको छ।
