मुलुकी ऐन कानुन निर्माणले न्यायप्रणालीले ठूलो फड्को मारेको –मन्त्री भण्डारी

मोरङ १ भदौ ः कोशी प्रदेश सरकारका आन्तरिक मामिला तथा कानुनमन्त्री रेवतीरमण भण्डारीले मुलुकी ऐन कानुन निर्माणले मुलुकमा न्याय प्रणालीले ठूलो फड्को मारेको बताउनु भएको छ ।
पूर्वाञ्चल विश्वविद्यालय कलेज अफ ल क्याम्पस अनेरास्ववियु कमिटीद्वारा आज यहाँ आयोजित साताँै मुलुकी संहिता दिवसको उपलक्ष्यमा आयोजित मुलुकी संहिता प्रभाव र वर्तमान न्याय प्रणाली विषयक अन्तरक्रिया कार्यक्रमको उद्घाटन गर्दै उहाँले यो संहिता लागु गर्न आफु सहितको पाँच सदस्यीय टोलीले दोस्रो संविधान सभामाबाट पास गराई न्याय र कानूनी क्षेत्रमा ठूलो उपलव्धी प्राप्त गरेको दावी गर्नु भयो ।
उहाँले अहिले मुलुकमा न्यायपालिका वलियो र स्वतन्त्र रहेको छ भन्दै न्यायपालिकाका र कार्यपालिकालाई केही अवसरवादीले धुमिल गराउने कार्यप्रति हामी सबै चनाखो एवं सचेत हुनुपर्नेमा जोड दिनुभयो ।
मन्त्री भण्डारीले कानुनी शासन सुदृढ गराउन सरकार लागि परेको छ भन्दै यसवाट मुलुकमा पारदर्शीता र भ्रष्टाचार नियन्त्रण हुने धारणा राख्नुभयो ।
विश्वविद्यालयका कला, शिक्षा तथा कानुन सङकायका डिन प्रा डा कोमल दुलालले यस प्रकारको अन्तरक्रियाले प्रदेश सरकारलाई भविष्यमा कानुन निर्माणमा सहयोग पुग्ने धारणा राख्नु भयो ।
प्रदेशका पूर्व प्रमुख न्यायाधिवक्ताहरु चुडामणि आचार्य र रुपेश कोइरालाले समाजको उत्थानमा यसको प्रयोग आवश्यक रहेको छ भन्दै यसमा रहेका केही त्रुटि सच्याउदै अगाडि वढनु पर्ने सुझाव दिनु भयो ।
क्याम्पस कमिटीका अध्यक्ष प्रकाश राई,ल कलेजका निर्देशक महेश निरौला,अन्नपूर्ण ल कलेजका निर्देशक विकास थापाले ल कलेजका विद्यार्थीहरु विभिन्न चार प्रदेशका सातहजार नागरिकहरुलाई कानुनको साक्षरता प्रदान गरेको जानकारी दिनुभयो ।
ल कलेजका सह प्राध्यापक नवराज पाण्डेले संविधान संशोधन विषयक कार्यपत्र प्रस्तुत गर्नु भएको थियो ।