जनकपुर । जनकपुरका गेस्टहाउसमा अनैतिक गतिविधि हुने गरेको भन्दै स्थानीयले विरोध गरेका छन् ।स्थानीयले अनैतिक क्रियाकलाप गराउने गेस्टहाउस तथा होटललाई कानुनी कारबाही गर्न माग गरेका छन् ।जनक नगर सोसाईटी पिराडीले यौनजन्य क्रियाकलाप विरुद्ध जनचेतना अभियान सुरु गरेको हो ।
जनकपुरको पिराडीचोकस्थित केही होटल र गेस्टहाउसमा लामो समयदेखि देह व्यापार (यौनजन्य क्रियाकलाप) भइरहेको स्थानीयको आरोप छ ।देह व्यापारले समाजमा नकारात्मक असर परेको र बस्ती बदनाम बन्दै गएको भन्दै त्यसलाई बन्द गराउन स्थानीयहरूको माग छ।
कमिसनका लागि अनैतिक यौन क्रियाकलापलाई प्रश्रय दिएको भन्दै उनीहरूले धनुषा प्रहरी प्रशासनविरुद्ध पनि नाराबाजी गरेका हुन् ।यौनजन्य क्रियाकलाप गराउने होटेल तथा गेष्टहाउसा सञ्चालकलाई समेत उनीहरुले चेतावनी दिएका छन् ।
