विराटनगरमा प्रहरी दिवसको रक्तदानमा १३६ जनाले गरे रक्तदान

विराटनगर । ७१औँ प्रहरी दिवसको अवसरमा विराटनगरमा आयोजित रक्तदान कार्यक्रममा १३६ जनाले रक्तदान गरेका छन्।
नेपाल प्रहरीद्वारा प्रहरी दिवसको अवसरमा आयोजित कार्यक्रममा रक्तदाताहरूले उत्साहपूर्वक सहभागिता जनाउँदै रक्तदान गरेका हुन्। रक्तदान कार्यक्रमले रगतको अभावमा रहेका बिरामीको उपचारमा सहयोग पुग्ने अपेक्षा गरिएको छ।
प्रहरी दिवसका अवसरमा आयोजित यस्ता सामाजिक सेवामूलक कार्यक्रमले प्रहरी र समुदायबीचको सम्बन्ध थप सुदृढ बनाउनुका साथै मानवीय सेवाप्रतिको जिम्मेवारीलाई उजागर गरेको छ।